PED 124 тобунун студенттери Балдар жана өспүрүмдөр чыгармачылык борборунда

Чүй айылындагы Балдар жана өспүрүмдөр чыгармачылык борбору ГТКнын PED 124 тобунун студенттери менен «Келечектеги кесипке карай кадам, чыгармачылык жана жаңы технологиялар» темасында жолугушуу өткөрдү. Борбордун директору Дуйшекеева А.Б. экскурсия өткөрүп, студенттерди борбордун тарыхы жана жетишкендиктери менен тааныштырды.
Андан кийин мугалимдер төрт мастер-класс өткөрүштү:
Флористика: «Гүл фантазиясы», тунук пластик формаларда кургатылган гүлдөрдөн композиция түзүү. Студенттер гүлдөрдү качан жана кантип чогултуу, кургатуу жана сактоону үйрөнүштү.
Кыргыз колдонмо чыгармачылыгы: боз үй, комуз жана Бурана мунарасы түрүндөгү кийиз сувенирлер сызылып, кесилип, мончок менен жасалгаланды. Буюмдар ар түрдүү, таасирдүү жана түстүү болду.
Сүрөт тартуу: студенттер Хэллоуин майрамы менен таанышып, салттуу ашкабакты тартышты. Алар биринчи жолу мольбертте тартып, тапшырманы оңой аткарышты.
Мончок токуу: студенттер билерик жана шакектерди токуунун жөнөкөй ыкмасын үйрөнүштү.
Алынган билим жана көндүмдөр келечектеги тарбиячылар катары балдар менен иштөөдө пайдалуу болот. Мастер-класстар жеңил чыгармачыл атмосферада өттү, бардык буюмдарды студенттер белек катары алышты.
